30.07.2026 | 19:50
Եվրոպոլում նշանակվել է ՆԳՆ կապի սպա, որը համակարգում է Հայաստանի իրավապահ համակարգի աշխատանքը Եվրոպոլի հետ․ ՆԳ նախարար
Անգոլայում ռուսական ադամանդագործական հանքավայրի պոչամբարից արտահոսքի հետևանքով Կոնգոյում 4400 մարդ հիվանդացել է․ կան զոհեր․ Reuters
Քաղաքականություն
03.09.2021 | 16:26
Անգոլայում ադամանդի ամենամեծ հանքավայրից աղտոտված ջրի արտահոսք է տեղի ունեցել, որի հետևանքով հարևան Կոնգոյում 12 մարդ մահացել է, իսկ 4,4 հազարը՝ հիվանդացել: Այդ մասին հայտնում է Reuters գործակալությունը:
Նշվում է, որ հանքը շահագործում է Sociedade Mineira de Catoca ընկերությունը: Այն անգոլական պետական Endiama ադամանդագործական և ռուսական АЛРОСА-ի համատեղ ձեռնարկությունն է․ երկուսն էլ 41% բաժնետոմս ունեն:
Աղտոտված ջուրը արտահոսել է պոչամբարից։ Թափոնները թափանցել են Լովա գետը՝ Չիկապայի վտակը, որը թափվում է Կոնգո գետը: Դեռևս հուլիսի վերջին արտահոսքի պատճառով այս վտակը ներկվել էր կարմիր գույնով։ Իսկ անցած ամսից Կինշասի համալսարանից հայտնել են «հսկայական աղտոտման մասին», որն առնչվել է շուրջ 2 միլիոն մարդու, ձկներ են սատկել։
Տեղեկացվում է, որ Կոնգոն Անգոլայից փոխհատուցում կպահանջի՝ «աղտոտողը վճարում է» սկզբունքի համաձայն։
Տաթև Ֆռանգյան
