25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Աֆղանստանի անվտանգության ուժերին պատկանող ամերիկյան ռազմատեխնիկայի մի մասը փոխանցվել է Իրանին․ The Times
Քաղաքականություն
03.09.2021 | 14:32
ԱՄՆ ռազմական տեխնիկայի մի մասը, որը նախկինում տրամադրվել էր Աֆղանստանի անվտանգության ուժերին, փոխանցվել է Իրանի իշխանություններին: Այս մասին հայտնել է The Times-ը:
Սոցցանցերում ռազմատեխնիկայի շարասյուները պատկերող տեսանյութեր են հայտնվել, որոնց կազմի մեջ են եղել Humvees և MRAP թեթև զրահապատ մեքենաներ՝ ականներից ուժեղացված պաշտպանությամբ։ Տեսանյութն առաջինը հրապարակած ալիքը, որը մասնագիտացված է իրանական ռազմական գործերի հարցում, հայտնում է, որ իրանցիները նաև իրենց են վերցրել ամերիկյան տանկերը։
Ալիքը չի կարողացել մանրամասն տեղեկություն տրամադրել, ինչպես նաև հայտնի չէ, թե ինչպես է Իրանը կարողացել ստանալ տեխնիկան։ Տեղեկություններ են ստացվել այն մասին, որ աֆղան զինվորականները փախչում են Իրանի սահմանով՝ թալիբներին չհանձնվելու համար։ Վերլուծաբանները ենթադրում են, որ իրանցիները պարզապես վերցրել են նրանց ռազմական տեխնիկան։
Տաթև Ֆռանգյան
