23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Իսրայելն ավիահարվածներ է հասցրել Դամասկոսի արվարձաններին
Քաղաքականություն
03.09.2021 | 14:02
Իսրայելն ավիահարվածներ է հասցրել Դամասկոսի արվարձաններին։ Այս մասին հայտնում է սիրիական SANA գործակալությունը։ Հարվածները հասցվել են տեղի ժամանակով 01։26-ի սահմաններում, Սիրիայի մայրաքաղաքի հարավ-արևելյան արվարձաններին։
Գործակալության տեղեկություններով՝ հրթիռների մեծ մասը խոցել են հակաօդային պաշտպանության համակարգերը, միայն նյութական վնաս է հասցվել։
Իսրայելը պարբերաբար հրթիռային հարվածներ է հասցնում Սիրիայի տարածքում օբյեկտներին: Դամասկոսը բազմիցս դիմել է ՄԱԿ-ի Անվտանգության խորհրդին՝ պահանջելով ճնշում գործադրել Իսրայելի վրա՝ դադարեցնելու Սիրիայի ինքնիշխանության համակարգված խախտումը, քանի որ «նման ագրեսիվ գործողությունները սպառնում են ամբողջ տարածաշրջանի կայունությանը»:
Տաթև Ֆռանգյան
