24.01.2026 | 19:00
Վախենում եմ նախիրային բնազդից, նախիրն ամեն ինչի ընդունակ է… պետք է դիմանալ ու դիմադրել. Հախվերդյան․ ՏԵՍԱՆՅՈՒԹ
Հայաստանը երեք հաղթանակ է տարել խմբում, և դա խոսում է մրցակցի ուժի մասին․ Միլևսկի
02.09.2021 | 17:43
Սեպտեմբերի 2-ին Հայաստանի ազգային հավաքականը կանցկացնի Աշխարհի 2022 թ. առաջնության ընտրական փուլի J խմբի 4-րդ մրցափուլի հանդիպումը՝ Սկոպյեում մրցելով Հյուսիսային Մակեդոնիայի ընտրանու հետ. գրում է armsport-ը:
Խաղից առաջ կայացած մամուլի ասուլիսի ժամանակ մեր մրցակցի ընտրանու գլխավոր մարզիչ Բլագոյա Միլևսկին խոսել է առաջիկա խաղի մասին․
«Նախևառաջ ուզում եմ իմ երախտագիտությունը հայտնել Պանդևին, Տրիչկովսկուն, Վելկովսկուն, ովքեր այլևս հավաքականի կազմում չեն: Թիմում սերնդափոխությունն անխուսափելի էր: Մեր ամբողջ ուշադրությունը կենտրոնացած է թիմային աշխատանքի վրա: Ժամանակը կարճ էր, բայց այն, ինչ ես տեսա տղաների կողմից, ինձ տալիս է լավատես լինելու իրավունք:
Հայաստանի հավաքականը շատ լավ թիմ է, կարելի է տեսնել մարզչի հիանալի աշխատանքը: Նրանք հիանալի ստուգոսղական հանդիպումներ անցկացրեցին Շվեդիայի և Խորվաթիայի դեմ, նրանք երեք հաղթանակ է տարել խմբում, և դա խոսում է մրցակցի ուժի մասին»,- մեջբերում է մարզչին Հս․ Մակեդոնիայի ֆուտբոլի ֆեդերացիայի մամուլի ծառայությունը։
