29.06.2026 | 17:37
Դիմումները կարդալիս տպավորություն է, թե ՀՀ ընտրազանգվածը զոմբի է․ ՍԴ դատավոր․ ՏԵՍԱՆՅՈՒԹ
ԵՄ-ն նոր պատժամիջոցներ կկիրառի Լուկաշենկոյի ռեժիմի դեմ
Քաղաքականություն
02.09.2021 | 16:17
Եվրամիությունը սկսում է Բելառուսում Ալեքսանդր Լուկաշենկոյի ռեժիմի դեմ պատժամիջոցների նոր փաթեթի նախապատրաստումը։ Այս մասին հայտարարել է Կենտրոնական Ասիայում ու Արևելյան Եվրոպայում ԵՄ արտաքին քաղաքականության հարցերով փոխտնօրեն Լյուկ Դևինը՝ ելույթ ունենալով Եվրախորհրդարանի արտաքին գործերի հանձնաժողովների լսումների ժամանակ, որոնք նվիրված էին Բելառուսի հետ ԵՄ սահմանին իրավիճակին, հայտնում է DW-ի թղթակիցը։
«Լուկաշենկոյի ռեժիմի վերջին գործողությունները, այն է՝ պետության կողմից ներգաղթյալներին որպես գործիք օգտագործելը, միջազգային նորմերի բացահայտ անտեսում են: Մենք կշարունակենք պայքարել Լուկաշենկոյի ռեժիմի կողմից ներգաղթյալների և մարդկային տառապանքների այս սարսափելի գործիքավորման դեմ: Այս պայքարը, իհարկե, կներառի պատժամիջոցներ: Այժմ ԵՄ անդամ երկրները համատեղ սկսում են հինգերորդ փաթեթի ուղղությամբ աշխատանքները»,- հավելել է պաշտոնյան:
Հիշեցնենք, որ ավելի վաղ Եվրամիությունը ներկայացրել էր պատժամիջոցների չորս փաթեթ՝ 2020 թվականի օգոստոսի 9-ին Բելառուսում նախագահական ընտրությունները կեղծելու և դրան հաջորդած բողոքի ցույցերը ճնշելու համար:
Տաթև Ֆռանգյան
