16.09.2026 | 21:56
Հնդկաստանի նորանշանակ դեսպանը իր հավատարմագրերի պատճենն է հանձնել Հայաստանի ԱԳՄԱ նախարարի տեղակալին
Լեհաստանը Բելառուսի հետ սահմանին արտակարգ դրություն է հայտարարել
Քաղաքականություն
02.09.2021 | 19:06
Լեհաստանի նախագահ Անջեյ Դուդան այսօր հրամանագիր է ստորագրել Բելառուսի հետ սահմանին արտակարգ դրության ռեժիմ մտցնելու մասին։ Այս մասին հայտնել են մի շարք լեհական լրատվամիջոցներ, գրում է EADaily-ն։
Համաձայն այդ հրամանի՝ 183 սահմանամերձ բնակավայրերում կարգելվի զանգվածային միջոցառումների անցկացումը։ Այդ բնակավայրեր չեն կարողանա մուտք գործել մարդիկ, որոնք չեն բնակվում այդտեղ, այդ թվում՝ լրագրողներ։ Կարգը խախտողները կվճարեն տուգանք կամ կկալանավորվեն՝ կախված դատարանի որոշումից։
Հիշեցնենք՝ ի պատասխան արևմտյան պատժամիջոցների՝ Մինսկը հրաժարվել էր զսպել ապօրինի ներգաղթյալների հոսքը դեպի ԵՄ, արդյունքում բելառուսա-լեհական սահմանին կտրուկ աճել էր սահմանն ապօրինի հատելու փորձերի թիվը։ Վարշավայում տեղի ունեցողը Բելառուսի իշխանությունների կողմից «հիբրիդային ագրեսիա» են անվանում: Լեհաստանն արդեն սկսել է 2,5 մետր բարձրությամբ պատ կառուցել երկրների միջև 418 կմ-անոց ընդհանուր սահմանից մոտավորապես 180 կմ հատվածում:
Տաթև Ֆռանգյան
