17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
Արտակարգ դրություն Նյու Յորքում․ հորդառատ անձրևների հետևանքով հեղեղվել են մետրոպոլիտենն ու բնակելի տները․ կան զոհեր․ ՏԵՍԱՆՅՈՒԹ
Քաղաքականություն
02.09.2021 | 14:04
Նյու Յորքի քաղաքապետ Բիլ դե Բլազիոն արտակարգ դրություն է հայտարարել հորդառատ անձրևների պատճառով, որոնք մեգապոլիսում ջրհեղեղների են հանգեցրել։ Նա կոչ է արել մարդկանց դուրս չգալ տներից, գրում է Reuters-ը։
«Խնդրո՛ւմ եմ, այսօր երեկոյան մնացեք տանն ու թույլ տվեք մեր արագ արձագանքման խմբերին և արտակարգ օգնության ծառայություններին՝ իրականացնել իրենց աշխատանքը։ Հնարավորինս հեռու մնացեք մետրոյից, ճանապարհներից կամ ընդհանրապես ճանապարհ դուրս մի եկեք»,- կոչ է արել քաղաքապետը։
Բիլ դե Բլազիոն չորեքշաբթի գիշերը գրանցված ջրհեղեղը որակել է «պատմական եղանակային իրադարձություն»:
Առնվազն մեկ մարդ է զոհվել Նյու Ջերսի նահանգի Փասսայիկ քաղաքում հեղեղումների հետևանքով, CNN-ին ասել է քաղաքապետ Հեկտոր Լորան:
NBC New York-ն էլ հայտնում է Նյու Ջերսիում մեկ զոհի, իսկ Նյու Յորքում՝ չորս զոհի մասին։
Հորդառատ անձրևները մետրոպոլիտենում հեղեղումների են հանգեցրել։ Երկաթուղու գրեթե բոլոր ճյուղերը դադարեցրել են աշխատանքը։ Փրկարարները ստիպված են եղել տարհանել մարդկանց։
Նյու Յորքում ջրհեղեղների է հանգեցրել «Իդա» փոթորիկը, որն ավելի ուշ թուլացել է՝ վերածվելով արևադարձային փոթորկի։ Մինչ այդ, համացանցում ջրով հեղեղված մեգապոլիսից բազմաթիվ տեսանյութեր են հայտնվել։
Տաթև Ֆռանգյան
BREAKING 🚨 Catastrophic situation in New York City after flooding. This is 28th street, NYC
— Insider Paper (@TheInsiderPaper) September 2, 2021
JUST IN 🚨 Situation in Brooklyn, New York pic.twitter.com/7WpFUsXLF2
— Insider Paper (@TheInsiderPaper) September 2, 2021
NYC Floods 🚨 Multiple homes flooded in New York City. This one’s in Brooklyn
— Insider Paper (@TheInsiderPaper) September 2, 2021
Flash Floods 🚨 Even bathrooms are affected in Brooklyn, New York City pic.twitter.com/gGTTEZ0cW7
— Insider Paper (@TheInsiderPaper) September 2, 2021
