14.09.2026 | 16:35
Գրոնոն Երևանում քննարկել է Հայաստանի և Ադրբեջանի միջև խաղաղության ինստիտուցիոնալացումը՝ Բաքու և Արցախ այցից հետո
Մեծ Բրիտանիան 500 հազար ֆունտ կհատկացնի ԼՂ-ի և հարակից տարածքների ականազերծման համար
Քաղաքականություն
02.09.2021 | 13:11
Մեծ Բրիտանիան 500 հազար ֆունտ սթերլինգ ֆինանսական օգնություն կհատկացնի Արցախյան երկրորդ պատերազմից հետո ՄԱԿ-ի զարգացման ծրագրի իրականացման համար։ Այս մասին Թվիթերում գրել է Ադրբեջանում Մեծ Բրիտանիայի դեսպան Ջեյմս Շարփը։
«Մեծ Բրիտանիան հայտարարել է ՄԱԿ-ի զարգացման ծրագրի ֆինանսավորման մասին՝ Ադրբեջանին և Հայաստանին ականազերծման ջանքերում օգնելու համար, ներառյալ՝ ուսուցման, տեխնիկական աջակցության և անձնակազմի տրամադրման հարցում՝ տարածքն անվտանգ դարձնելու, վնասվածքները կանխելու և կյանքեր փրկելու համար»,- գրել է բրիտանացի դեսպանը։
Նա նաև շեշտել է, որ ականազերծման խնդիրները լուծելու համար միասնական մոտեցում է անհրաժեշտ։
«Լեռնային Ղարաբաղի և դրա հարակից տարածքներում չպայթած ականները մարդկանց կյանքեր են խլում ամեն շաբաթ: Այս խնդիրն իսկապես լուծելու համար մեզ նաև հավաքական գործողություններ են անհրաժեշտ: Մեծ Բրիտանիան այժմ կոչ է անում այլ երկրներին օգնել աջակցել ՄԱԿ-ի զարգացման նախաձեռնությանը»,- գրել է Շարփը։
Տաթև Ֆռանգյան
