23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Արցախի խորհրդարանի ընդդիմադիր ուժերը հանդիպել են ՀՀ խորհրդարանի «Հայաստան» դաշինքի պատգամավորների հետ
Քաղաքականություն
02.09.2021 | 11:15
Սեպտեմբերի 1-ին ԱՀ «Հայ հեղափոխական դաշնակցություն»,«Արդարություն», «Արցախի ժողովրդավարական կուսակցություն» խմբակցությունների պատգամավորները հանդիպել են ՀՀ ԱԺ «Հայաստան» դաշինքի պատգամավորների հետ. տեղեկացնում են ԱՀ ԱԺ-ից:
ԱՀ ԱԺ խմբակցությունների ղեկավարները ողջունել են «Հայաստան» դաշինքի պատգամավորներին և ընդգծել, որ ԱՀ և ՀՀ առջև ծառացած մարտահրավերներն ու խնդիրները նույնն են, և դրանց լուծման ուղիների առումով նրանք դաշնակիցներ են:
«Արցախի և Հայաստանի համատեղ աշխատանքի շնորհիվ ենք տեսնում Արցախի փրկությունը»,- շեշտել է ԱԺԿ խմբակցության ղեկավար Դավիթ Մելքումյանը:
Արցախի ընդդիմադիր կուսակցությունների պատգամավորները մեծ ակնկալիքներ ունեն հայաստանյան գործընկերներից՝ իրենց տրամադրված հարթակի միջոցով Արցախը աշխարհին տեսանելի և ընկալելի դարձնելու համար:
Ողջունելով հյուրերին՝ «Արդարություն» խմբակցության ղեկավար Դավիթ Գալստյանը խոսել է երկու հայկական խորհրդարանների ընդդիմադիր ուժերի համագործակցության խորացման անհրաժեշտության մասին:
Արմեն Ռուստամյանը շնորհակալություն է հայտնել հանդիպման համար և ընդգծել, որ օրակարգի առանցքային հարցերից է Արցախի հիմնախնդիրը:
«Չնայած ՀՀ խորհրդարանում Արցախի հարցով հանձնաժողովի ստեղծումը ձախողվել է, այնուամենայնիվ Արցախի հարցը միշտ օրակարգում է և մեր խնդիրները դրանով չեն թուլացել»,- նշել է Արմեն Ռուստամյանը:
Արցախի հարցերի հետ կապված՝ դաշինքի պատգամավորներն ունեն հստակ պատկերացումներ: 3 խմբակցությունների ղեկավարներն էլ նշել են, որ ողջունել են Արցախի հարցով հանձնաժողովի ձևավորումը՝ հակառակ այն թյուրըմռբնման,որ իբր Արցախի խորհրդարանի ղեկավարը Արցախի հարցով հանձնաժողովի ստեղծմանը դեմ էր:
Խոսելով Արցախի և Հայաստանի ընդհանուր խնդիրների մասին՝ ՀՅԴ խմբակցության ղեկավար Արթուր Մոսիյանը նախանշել է միասնաբար գործելու անելիքները:
Հանդիպմանը առաջարկվել է ունենալ հստակ օրակարգ, ստեղծել արցախահայության առջև ծառացած մարտահրավերների, առկա խնդիրների հաղթահարման միասնական ծրագիր:Արմեն Ռուստամյանը կարծում է՝ պետք է հստակեցվեն Արցախի հարցի շուրջ պատկերացումները և դրանց լուծման ճանապարհը: Այս առումով նա կարևորել է համատեղ, համաձայնեցված փոխգործակցությունը:
Երկուստեք կարևորվել են նման հանդիպումները և որոշել դրանք դարձնել շարունակական:
