Քաղաքականություն
02.09.2021 | 18:16
Կատարում Թուրքիայի դեսպան Մեհմեդ Մուսթաֆա Գյոքսուն «Թալիբան» շարժման հետ բանակցությունների ընթացքում խոստացել է, որ Անկարան կշարունակի համագործակցությունը Աֆղանստանի հետ: Այս մասին հինգշաբթի հայտարարել է թալիբների քաղաքական գրասենյակի անդամ Մոհամմադ Նաիմը, գրում է ՏԱՍՍ-ը:
Թուրք դիվանագետը հայտարարություն է արել Դոհայում աֆղանական շարժման ներկայացուցիչ Շեր Մոհամմադ Աբաս Ստանեկզայի հետ հանդիպմանը:
«Թուրքիայի դեսպանը խոստացավ, որ Անկարան կշարունակի համագործակցությունը Աֆղանստանի հետ»,- Նաիմի խոսքն է մեջբերում TOLOnews հեռուստաալիքը։
Հիշեցնենք՝ ԱՄՆ-ն ավարտեց իր ռազմական առաքելությունը Աֆղանստանում օգոստոսի 30-ին: Ապրիլի 14-ին ԱՄՆ նախագահ Ջո Բայդենը հայտարարեց այդ երկրում օպերացիան դադարեցնելու որոշման մասին, որը սկսվել էր 2001 թվականի հոկտեմբերին և դարձել ամենաերկարատև օտարերկրյա ռազմական արշավը Ամերիկայի պատմության մեջ: Դրանից հետո «Թալիբան» շարժման կողմնակիցները զգալիորեն բարձրացրեցին հարձակումների տեմպը և օգոստոսի 15-ին, առանց մարտի, լիակատար վերահսկողություն հաստատեցին Աֆղանստանի մայրաքաղաքի վրա: Թալիբները հայտարարել են Աֆղանստանում իրենց լիակատար հաղթանակի մասին:
Տաթև Ֆռանգյան
