07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
Հազարավոր աֆղաններ հավաքվել են Իրանի և Պակիստանի հետ սահմանին՝ փորձելով փախչել երկրից․ Sky news
Քաղաքականություն
01.09.2021 | 18:15
Աֆղանստանի բազմաթիվ քաղաքացիներ Քաբուլի օդանավակայանից տարհանումների դադարեցումից հետո փորձում են երկիրը լքել ցամաքային ճանապարհով և հավաքվում են Պակիստանի ու Իրանի հետ սահմաններին, հաղորդում է Sky news-ը։
«Մեծ թվով մարդիկ սպասում են սահմանի աֆղանական կողմում դարպասների բացվելուն»,- ասել է Թորկխամ անցակետում Պակիստանի իշխանությունների ներկայացուցիչը։
Ականատեսները նաև հայտնում են աֆղանների զանգվածային կուտակումների մասին Իրանի հետ սահմանին՝ Իսլամ-Կալա անցակետում։ Sky news-ի տվյալներով՝ ցամաքային ճանապարհով փորձում են փախուստի դիմել հազարավոր մարդիկ։
Հեռուստաընկերությունը հիշեցնում է, որ Քաբուլից օդային ճանապարհով ավելի վաղ տարհանվել է 123 հազար մարդ։ Սակայն տասնյակ հազարավոր աֆղաններ, որոնց վտանգ է սպառնում թալիբների իշխանության գալուց հետո, հեռանալ չեն կարողացել։
Ավելի վաղ ՄԱԿ-ի փախստականների հարցերով գերագույն հանձնակատարի վարչությունը կանխատեսել էր մինչև 2021 թվականի ավարտն Աֆղանստանից ևս կես միլիոն բնակիչների հեռանալու մասին։
Տաթև Ֆռանգյան
