09.06.2026 | 00:17
Մարկո Ռուբիոն շնորհավորել է Փաշինյանին
ՄԱԿ-ի գլխավոր քարտուղարն Աֆղանստանում մարդասիրական աղետի մտավախություն ունի
Քաղաքականություն
01.09.2021 | 17:50
ՄԱԿ-ի գլխավոր քարտուղար Անտոնիո Գուտերեշն Աֆղանստանից ամերիկացի զինծառայողների դուրսբերումից հետո այդ երկրում հիմնական մատակարարման համակարգի ամբողջական փլուզման մտավախություն ունի:
«Մարդասիրական աղետը մոտ է»,- հայտարարել է նա Նյու Յորքում՝ նշելով, որ Աֆղանստանում մարդիկ ամեն օր կորցնում են ամենատարրական ապրանքներից և ծառայություններից օգտվելու հասանելիությունը, գրում է DW-ի ռուսական ծառայությունը:
«Աֆղանստանի բնակչության գրեթե կեսը՝ 18 միլիոն մարդ, կենսականորեն կախված է մարդասիրական օգնությունից: Յուրաքանչյուր երրորդը չգիտի, թե ինչպես է սնունդ ստանալու հաջորդ անգամ: Մինչև հինգ տարեկան բոլոր երեխաների կեսից ավելին, ամենայն հավանականությամբ, տառապում են թերսնումից»,- ասել է Գուտերեշը:
ՄԱԿ -ի գլխավոր քարտուղարը կոչ է արել համաշխարհային կազմակերպության բոլոր անդամ երկրներին՝ օգնել աֆղաններին «այս դժվարին պահին» և ժամանակին տրամադրել ճկուն ու լայն օգնություն: Նա, միաժամանակ, կոչ է արել բոլոր կողմերին՝ ապահովել հումանիտար օգնության անվտանգ և անարգել հասանելիությունը կարիքավոր բոլոր աֆղանների համար:
Տաթև Ֆռանգյան
