Քաղաքականություն
30.08.2021 | 22:51
Առողջապահության համաշխարհային կազմակերպությունը (ԱՀԿ) կանխատեսում է մահվան դեպքերի կտրուկ աճ Եվրոպայում և Կենտրոնական Ասիայում՝ կորոնավիրուսային վարակի պատճառով: Մինչև դեկտեմբերի սկիզբ ևս 236,000 մարդ կարող է մահանալ տարածաշրջանում կորոնավիրուսից, այսօր Կոպենհագենում հայտնել է ԱՀԿ Եվրոպայի տարածաշրջանային տնօրեն Հանս Կլյուգեն, գրում է DW-ի ռուսական ծառայությունը։
Ըստ Կլյուգեի՝ Եվրոպայի և Կենտրոնական Ասիայի 53 երկրներում COVID-19-ից մահացել է 1.3 միլիոն մարդ, իսկ տարածաշրջանում գրանցվել է կորոնավիրուսային վարակի 64 միլիոն դեպք:
ԱՀԿ ներկայացուցիչը մտահոգություն է հայտնել վարակակիրների թվի կտրուկ աճի կապակցությամբ։ Տարածաշրջանի 33 երկրներում այս ցուցանիշները վերջին օրերին աճել են տասը կամ ավելի տոկոսով:
Կլյուգեն պարզաբանել է կորոնավիրուսի ավելի վարակիչ՝ «դելտա» տարբերակի լայն տարածմամբ, հակահամաճարակաբանական սահմանափակումների չեղարկմամբ ու զբոսաշրջության աճով։ Տարածաշրջանային տնօրենը կոչ է արել մեծացնել պատվաստումների տեմպը՝ նշելով, որ տարածաշրջանի առավել ցածր բարեկեցությամբ երկրներում ամբողջությամբ պատվաստվել է բնակչության միայն 6 տոկոսը։
Տաթև Ֆռանգյան
