29.06.2026 | 15:56
Դնեպրին ռուսական հարվածի հետևանքով 5 մարդ զոհվել է, 21-ը՝ վիրավորվել
Թուրքական բանակի զինանոցը համալրվել է նորագույն ԱԹՍ-ով
Քաղաքականություն
29.08.2021 | 22:53
Թուրքիայի նախագահ Ռեջեփ Թայիփ Էրդողանը հայտարարել է, որ Bayraktar Akinci անօդաչու թռչող սարքը համալրել է թուրքական բանակի զինանոցը: Այս մասին հաղորդում է «Ռիա Նովոստի»-ն:
«Սա մեր անկախության ևս մեկ խորհրդանիշն է։ Թուրքիան դարձել է երրորդ առաջատար երկիրը, որն ունի նման տեխնոլոգիաներ։ Մենք վճռական ենք Թուրքիան անօդաչու կործանիչի տեխնոլոգիաների ոլորտում առաջատար դարձնելու հարցում»,- ասել է Էրդողանը։
Նա հավելել է, որ «նրանք, ովքեր տասը տարի առաջ չեն վաճառել մեզ այդ միջոցները, այսօր խոսում են մեր անօդաչու թռչող սարքերի մասին, որոնք փոխել են խաղը համաշխարհային հարթակում»:
«Մենք ապացուցել ենք ամբողջ աշխարհին մեր ուժը անօդաչու թռչող սարքերի արտադրության տեխնոլոգիաներում։ Թուրքիան դադարել է երկիր լինել, որը միայն գնում է, մենք ինքներս ենք սկսել մշակել և վաճառել։ Akinci -ի հայտնվելուց հետո մենք դուրս ենք գալիս նոր մակարդակ», – նշել է Թուրքիայի առաջնորդը։
