Քաղաքականություն
28.08.2021 | 19:34
Աֆղանստանում ԱՄՆ-ի հարվածի հետևանքով ոչնչացվել են ԻՊ-ի երկու պարագլուխներ, քաղաքացիական կորուստներ չկան, «ՌԻԱ Նովոստի‘ի փոխանցմամբ՝ հայտնել է Պենտագոնը:
«Նոր տեղեկատվության ստացման հետ մեկտեղ ես կարող եմ հաստատել, որ ոչնչացվել են ԻՊ-ի երկու բարձրաստիճան ներկայացուցիչներ, ևս մեկը վիրավորվել է»,- ճեպազրույցի ժամանակ հայտարարել է գեներալ Հենկ Թեյլորը, որը, մասնավորապես, պատասխանատու է Քաբուլից տարհանման գործողություններ իրականացնելիս լոգիստիկայի հարցերի համար:
«Քաղաքացիական բնակչության շրջանում կորուստների մասին մեզ հայտնի չէ», – նշել է նա:
Իր հերթին Պենտագոնի մամուլի քարտուղար Ջոն Քիրբին հրաժարվել է պարզաբանել, թե արդյոք ոչնչացված գրոհայինները կապ ունեն Քաբուլի օդանավակայանի մոտ տեղի ունեցած ահաբեկչության հետ:
ԱՄՆ-ն մինչ այժմ Աֆղանստանից տարհանել է 5,4 հազար ամերիկացիների։
ԱՄՆ-ն դեռ մտադիր է Աֆղանստանից տարհանման ռազմական գործողությունն ավարտել մինչև օգոստոսի 31-ը, հայտնել են գերատեսչությունում: Այնտեղ նշել են, որ Քաբուլում անվտանգության սպառնալիքների հետ կապված իրադրությունը մնում է դինամիկ, ԱՄՆ-ն մշտապես հետևում է դրան:
