25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Արեգակի վրա բռնկումների նոր շարք են արձանագրել
Քաղաքականություն
28.08.2021 | 17:26
Արեգակի վրա երրորդ օրն անընդմեջ շարունակվում է բռնկումների շարքը, «ՌԻԱ Նովոստի»-ի փոխանցմամբ՝ արևային ակտիվության մասին իր կայքում հայտնել է ԱՄՆ-ի Օվկիանոսային և մթնոլորտային հետազոտությունների ազգային վարչության տիեզերական եղանակի կանխատեսման կենտրոնը:
Այսպես, վերջին օրվա ընթացքում գիտնականները հայտնաբերել են C դասի յոթ բռնկում: Այս առավոտյան գրանցել են M դասի ավելի հզոր բռնկում:
Բացի այդ, Լեբեդեւի անվան ֆիզիկական ինստիտուտի Արեգակի ռենտգենյան աստղագիտության լաբորատորիայի կայքում ակտիվության ինդեքսը բարձրացել է մինչև նարնջագույն մակարդակ:
Երևանի ժամանակով հինգշաբթի երեկոյան տեղի է ունեցել զանգվածային կորոնալ արտանետում՝ կապված C դասի բռնկման հետ:
Բռնկումները դասակարգվում են ըստ հզորության ՝ A, B, C, M և X: Ինչպես պարզաբանել է լաբորատորիայի ղեկավար Սերգեյ Կուզինը, պլազմայի ամպերը, որոնք նման պահերին արտանետում է Արեգակը, երկու-երեք օր հետո կարող են Երկրի վրա մագնիսական փոթորկի հանգեցնել:
Ենթադրվում է, որ թույլ փոթորիկը կարող է էներգահամակարգերի աշխատանքում աննշան խափանումներ առաջացնել և ազդել թռչունների և կենդանիների միգրացիայի վրա, իսկ ուժեղներն ազդում են նավիգացիոն համակարգերի վրա։
