Քաղաքականություն
27.08.2021 | 22:17
Թուրքիայի նախագահ Ռեջեփ Թայիփ Էրդողանն այսօր կայացած մամուլի ասուլիսում պատմել է «Թալիբան» շարժման ներկայացուցիչների հետ կայացած առաջին բանակցությունների մասին։ Նա նշել է, որ բանակցությունները տեղի են ունեցել Քաբուլի օդանավակայանի ռազմական հատվածում, որտեղ ժամանակավորապես տեղակայված է Թուրքիայի դեսպանատունը, գրում է Turkish minute-ը։
«Մենք անցկացրել ենք մեր առաջին բանակցությունները թալիբների հետ, որը տևել է 3,5 ժամ։ Անհրաժեշտության դեպքում, նորից նման բանակցություններ վարելու հնարավորություն կունենանք»,- ասել է Էրդողանը։
Պատասխանելով «Թալիբան»-ի հետ Թուրքիայի հարաբերությունների մասին ներքին քննադատություններին՝ Էրդողանն ասել է, որ Անկարան շռայլություն չունի անգործություն մատնվելու այս անկայուն տարածաշրջանում։
«Դու չես կարող իմանալ, թե նրանք ինչ ակնկալիքներ ունեն կամ որոնք են մեր ակնկալիքները՝ առանց խոսելու։ Սա դիվանագիտություն է»,- ասել է Թուրքիայի նախագահը։
Էմմա Չոբանյան
