23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
ԱՊՀ-ն քննարկում է COVID-19-ի դեմ պատվաստումների վկայականների փոխադարձ ճանաչման հարցը
Քաղաքականություն
27.08.2021 | 20:49
ԱՊՀ-ի գործադիր կոմիտեում օգոստոսի 27–ին տեղի է ունեցել Անկախ Պետությունների Համագործակցության անդամ պետությունների միջև կորոնավիրուսային վարակի դեմ բնակչության պատվաստման հավաստագրերի (այլ փաստաթղթերի) փոխադարձ ճանաչման հարցի շուրջ խորհրդակցություն: Այս մասին «Արմենպրես»-ը տեղեկացավ ԱՊՀ գործադիր կոմիտեի կայքէջից:
Խորհրդակցությանը մասնակցել են Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի առողջապահության նախարարությունների և շահագրգիռ գերատեսչությունների ներկայացուցիչներ:
Խորհրդակցության մասնակիցները կիսվեցին իրենց պետություններում COVID-19-ի տարածման կանխարգելման միջոցառումների, կորոնավիրուսային վարակի դեմ բնակչության պատվաստումների, սահմանը հատման կանոնների և պետությունների միջև պատվաստման վկայականների փոխադարձ ճանաչման փորձի մասին տեղեկատվությամբ:
Նախարարությունների և գերատեսչությունների ներկայացուցիչները ընդգծել են պատվաստումների վկայականների փոխադարձ ճանաչման շահագրգռվածությունը՝ միաժամանակ նշելով տվյալ հարցի առավել մանրամասն ուսումնասիրման անհրաժեշտությունը:
