19.05.2026 | 16:43
ԱԱ-2026-ի մասնակցի հայտացուցակում կա միայն մեկ ֆուտբոլիստ, որը ծնվել է այդ երկրում
Մշտադիտարկումներ են իրականացվել Երևանի երկաթուղային կայարանի և Կենտրոն վարչական շրջանի հանրային տրանսպորտի նկատմամբ
Հասարակություն
27.08.2021 | 17:23
Օգոստոսի 27-ին ՀՀ քաղաքաշինության, տեխնիկական և հրդեհային անվտանգության տեսչական մարմնի Երևանի տարածքային բաժնի տրանսպորտի անվտանգության բաժանմունքի պետ Արթուր Արաբաչյանը և աշխատակիցները ստուգումներ ու մշտադիտարկում են իրականացրել Երևանի երկաթուղային կայարանում՝ («Սասունցի Դավիթ կայարան») և Երևանի Կենտրոն վարչական շրջանում։
Ինչպես տեղեկացնում է ՀՀ ՔՏՀԱ Տեսչական մարմինը, COVID-19-ի տարածումը կանխարգելելու և անվտանգության կանոնների պահպանման նպատակով Երևանի երկաթուղային կայարանում իրականացված մշտադիտարկման արդյունքում ՔՏՀԱ տեսչական մարմնի մասնագետները հայտնաբերել են, որ վագոններում տեղ-տեղ բացակայել են ախտահանիչ հեղուկները։ Տեղում տնօրինությանը տրվել է խախտումն անհապաղ շտկելու պարտադիր կատարման ցուցում։
Նույն օրը ՀՀ ՔՏՀԱՏՄ մասնագետները ՀՀ ոստիկանության ու ՀՀ առողջապահական և աշխատանքի տեսչական մարմնի հետ համատեղ դիտարկումը շարունակել են նաև Կենտրոն վարչական շրջանում գործող հանրային տրանսպորտի նկատմամբ։
Կանգառներում և շրջիկ կարգախմբերով վերահսկվել են տաքսամոտորային, ավտոբուսային ու միկրոավտոբուսային ուղևորափոխադրում կատարող մոտ 30 տրանսպորտային միջոց։ Կազմվել է իրավախախտման 8 արձանագրություն:
Վարչական արձանագրություններ կազմելուց զատ՝ ՔՏՀԱ տեսչական մարմնի մասնագետներն իրազեկման աշխատանք են կատարել ուղևորների և վարորդների շրջանում, տվել նախազգուշացումներ։
Հանրային տրանսպորտի մշտադիտարկումն ամենօրյա ռեժիմով կշարունակվի նաև առաջիկա հանգստյան օրերին։
