19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Թուրքիայում անհնար են համարում Աֆղանստանից ավելի մեծ թվով փախստականների ընդունումը
Քաղաքականություն
27.08.2021 | 17:10
Թուրքիայի Ազգային Մեծ ժողովի փոխնախագահ Նաջը Բոստանջին հայտարարել է, որ անհնար է, որ իր երկիրն ավելի մեծ թվով փախստականների ընդունի։ Բոստանջին նման կարծիք է հայտնել՝ պատասխանելով Աֆղանստանում տեղի ունեցող իրադարձությունների մասին հարցերին, գրում է «Ահվալ» գործակալությունը։
«Մեր մտահոգությունն է՝ վերադարձնել մեր միգրանտներին, երբ համապատասխան պայմաններ ստեղծվեն։ Սա Թուրքիայի ընդհանուր դիրքորոշումն է։ Թուրքիան չի կարող հանդես գալ որպես տարանցիկ ճանապարհ։ Ոչ ոք չի կարող պլաններ կազմել Թուրքիայի հաշվին»,- հայտարարել է նա։
Խորհրդարանի փոխխոսնակը նշել է, որ Թուրքիան տեղահանված աֆղանցիների համար փախստականների ճամբարի ստեղծման պլաններ չունի։
«Թուրքիայում արդեն բավականաչափ փախստականներ կան։ Կա Աֆղանստանից միգրացիոն շարժ տեղի ունեցող զարգացումների պատճառով։ Բայց ի՞նչ չափի է այն։ Դրա վերաբերյալ գնահատականները սպեկուլյատիվ են»,- ասել է թուրք պաշտոնյան։
Նա նաև նշել է, որ պատ են կառուցում Իրանի հետ սահմանին, որտեղից Պակիստանից ու Աֆղանստանից փախստականները հասնում են Թուրքիա։
Էմմա Չոբանյան
