24.05.2026 | 21:12
ՃՏՊ Հացիկ-Գյումրի ավտոճանապարհին. փրկարարները մեքենայից դուրս են բերել արգելափակված վարորդին
Ի՞նչ կապ ունեն ռեկտորն ու ԿԳ նախարարը Շիրակի համալսարանի դասախոս Գագիկ Համբարյանի աշխատանքից ազատվելու հետ
Հասարակություն
15.03.2018 | 19:25
Շիրակի պետական համալսարանի դասախոս, քաղաքագետ Գագիկ Համբարյանին ազատել են աշխատանքից: Համբարյանը մեզ հետ զրույցում դա կապեց իր կատարած բացահայտումների հետ․ «Ձևավորեցին ապօրինի գիտական խորհուրդ, ստեղծեցին էթիկայի հանձնաժողով, որն էլ որոշել է ազատել ինձ աշխատանքից: Այս ամենը կապված է իմ հանրային գործունեության հետ, որով ես բազմիցս բարձրաձայնել եմ ռեկտորի կողմից կատարած անօրինականությունները, ապօրինությունները»։
Համալսարանի դասախոս, քաղաքագետ Համաբարյանի խոսքով՝ համալսարանի գրադարանային ֆոնդի կեսից ավելին ոչնչացվել է ռեկտոր Մինասյանի կողմից։ Նա նշեց, որ ռեկտորի դեմ դատական գործընթաց են պատրաստվում սկսել․ «Դատի կտանք Սահակ Մինասյանին։ Բառիս բուն իմաստով նա քանդեց Շիրակի պետական համալսարանը։ Այս ամենն արվեց նրա համար, որ բարձրաձայնեցինք ռեկտոր Մինասյանի կողմից բուհում կատարված հանցագործությունների և ապօրինությունների մասին, որին անմիջականորեն ներգրավված է ԿԳ նախարար Լևոն Մկրտչյանը: Նա կեղծիքների միջոցով Շիրակի պետական համալսարանին ներկայացրել է լիցենզիաներ, որի իրավունքը բուհը չուներ: Նախարարն էլ չի ուզում, որ այս կեղծիքները բացահայտվեն: Բայց մենք կդիմենք հատուկ քննության, դատարան, ու թող այս ամենը արդարադատության ոլորտը բացահայտի»,- ասաց դասախոսը։
