18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
ՌԴ-ն չի ներքաշվի Աֆղանստանի հակամարտության մեջ․ Պուտին
Քաղաքականություն
24.08.2021 | 21:44
Ուշադրությամբ հետևում ենք Աֆղանստանում ստեղծված իրավիճակին, բայց չենք միջամտի, շառավել ևս, չենք ներքաշվի «բոլորը բոլորի դիմաց» զինված հակամարտության մեջ: Այս մասին այսօր նշել է ՌԴ նախագահ Վլադիմիր Պուտինը «Եդինայա Ռոսիա» կուսակցության համագումարի ժամանակ, փոխանցում է «Ռիա Նովոստին»։
«Դուք գիտեք՝ ինչ դժվար, մտահոգիչ իրավիճակ է այսօր ստեղծվել Աֆղանստանում: Մենք ուշադրությամբ հետևում ենք այդ իրավիճակին և ակտիվորեն փոխգործակցում ենք ՀԱՊԿ մեր դաշնակիցների հետ: Իհարկե, մենք չենք պատրաստվում խառնվել Աֆղանստանի ներքին գործերին, առավել ևս մեր զինված ուժերը ներքաշել «բոլորը բոլորի դիմաց» հակամարտության մեջ:
Այնտեղ, իմ կարծիքով, դա էլ տեղի է ունենում, ինչն այդ երկրում ձգվում է արդեն մի քանի տասնամյակ»,- ասել է Պուտինը:
ՌԴ ղեկավարը նաև նշել է, որ Մոսկվան անհրաժեշտ դասեր քաղել է Աֆղանստանում ԽՍՀՄ գտնվելու փորձից։
«ԽՍՀՄ-ն իր փորձն ունի այդ երկրում գտնվելու։ Մենք անհրաժեշտ դասեր քաղել ենք»,- հավելել է Պուտինը։
