Քաղաքականություն
24.08.2021 | 21:29
Վրաստանի պետական անվտանգության ծառայության աշխատակիցները Կախեթիի շրջանում ձերբակալել են հինգ մարդու, ովքեր դարձել են «Իսլամական պետություն» ահաբեկչական խմբավորման անդամներ և ծրագրում էին տեղափոխվել Սիրիա՝ միանալով ահաբեկչական ճամբարին: Այս մասին ասված է երեքշաբթի օրը Պետական անվտանգության ծառայության տարածած հայտարարության մեջ, գրում է ՏԱՍՍ-ը:
«Պետական անվտանգության ծառայության հակաահաբեկչական կենտրոնի աշխատակիցները, ՆԳՆ ստորաբաժանումների հետ համագործակցությամբ, Կախեթիի շրջանում տեղի ունեցած հատուկ միջոցառման արդյունքում, դատարանի որոշման հիման վրա, ձերբակալել են Վրաստանի հինգ քաղաքացու: Հետաքննությունը պարզել է, որ Վրաստանի հինգ քաղաքացիներ դարձել են «Իսլամական պետություն» ահաբեկչական կազմակերպության անդամ և ծրագրել են Սիրիա՝ ահաբեկչական ճամբար տեղափոխվել», – ասված է հաղորդագրության մեջ:
Տաթև Ֆռանգյան
