Քաղաքականություն
20.08.2021 | 11:52
Թուրքիան մտադիր չէ Եվրոպայի համար «միգրանտների պահեստի» դեր կատարել, Անկարան չունի նման պարտականություն կամ պատասխանատվություն ու պարտավորություն, այս մասին հայտարարել է Թուրքիայի նախագահ Ռեջեփ Թայիփ Էրդողանը կառավարության հերթական նիստից հետո։
Անադոլու գործակալության հաղորդմամբ՝ Թուրքիայի նախագահը նաև անդրադարձել է Աֆղանստանում տիրող իրավիճակին։ Նրա խոսքով՝ Թուրքիան անհրաժեշտության դեպքում կհամագործակցի «Թալիբան» շարժման ձևավորած կառավարության հետ, քանի որ Անկարայի գլխավոր նպատակը Աֆղանստանում կայունությունն ու անվտանգությունն է։
Բացի այդ Էրդողանը նաև հայտարարել է Թուրքիայում կորոնավիրուսի համավարակի տարածման դեմ պայքարում նոր սահմնափակումների ներդրման մասին։
Էմմա Չոբանյան
