Էրդողանի վարկանիշը գնալով նվազում է․ վերջին հարցումներով՝ նա զիջում է ընտրություններում իր բոլոր մրցակիցներին

Թուրքիայի նախագահ Ռեջեփ Թայիփ Էրդողանը վերջին հարցումներով հետ է մնում ընտրություններում իր հիմնական մրցակից ընդդիմության մի շարք թեկնածուներից, գրում են թուրքական լրատվամիջոցները։

Yöneylem սոցիալական հետազոտությունների կենտրոնի իրականացրած նոր հետազուտության համաձայն՝ Էրդողանն ու նրա «Արդարություն ու զարգացում» կուսակցությունը հետ են մնում գլխավոր մրցակից ընդդիմադիր Ժողովրահանրապետական ու աջ կենտրոնամետ IYI կուսակցություններից։

Հարցումն անցակցվել է հուլիսին երկրի 230 բնակավայրերում 3040 մարդու շրջանում։

Հարցին՝ կքվեարկեք, թե ոչ՝ Էրդողանի օգտին, 55 տոկոսն ասել է՝ երբեք չի քվերարկի։ Նրանք, ովքեր հակված են քվեարկել Էրդողանի օգտին, 33 տոկոս են կազմում։

Հարցին՝ ում կսատարեն ընտրողները, եթե հիմա լինեն ընտրություններ, հարցվածների մեծ մասը նախապատվությունը տվել է Ժողովրդահանրապետական կուսակցության նախագահ Քեմալ Քըլըչդարօղլուին, Ստամբուլի քաղաքապետ Էքրեմ Իմամօղլուին, IYI կուսակցության առաջնորդ Մերալ Աքշեներին։

Իր հնարավոր մրցակիցների շարքում Թուրքիայի նախագահն ամենաշատը զիջում է Անկարայի քաղաքապետ Մանսուր Յավաշին, որը ստացել է հարցվածների 52․8 տոկոսի ձայնը։

Մասնագետների կարծիքով Էրդողանի վարկանիշի անկման հիմնական պատճառը նրա ձախողված քաղաքականությունն է, որի հետևանքով Թուրքիայում արձանագրվել է տնտեսական անկում, բարձր գնաճ, գործազրկության աճ։

Հարցին՝ ինչպես է կառավարվում Թուրքիայի տնտեսությունը, 58․3 տոկոսը պատասխանել է՝ վատ, միայն ՝ 23․3 պատասխանել ՝ լավ։ Հարցման մասնակիցների 42․4 տոկոսը նշել է, որ ընդդիմությունը տնտեսությունը Էրդողանից լավ կկառավարի։

Էմմա Չոբանյան