29.06.2026 | 17:42
Ուրսուլա ֆոն դեր Լայենը աշխատանքային այցով կժամանի Հայաստանի Հանրապետություն
Իրանն արագացրել է ուրանի՝ մինչև 60 տոկոս հասրտացման գործընթացը․ ՄԱԳԱՏԷ
Քաղաքականություն
19.08.2021 | 20:44
Իրանն արագացրել է ուրանի՝ մինչև 60 տոկոս հասրտացման գործընթացը: Ատոմային էներգիայի միջազգային գործակալության (ՄԱԳԱՏԷ) տվյալներով՝ Թեհրանը մեծացրել է Նաթանզում գտնվող ուրանի հարստացման գործարանի հզորությունը: Այժմ օգտագործվում է ցենտրիֆուգների երկու կասկադ` մեկի փոխարեն։ Այս մասին Վիեննայում հայտարարել է ՄԱԳԱՏԷ-ի ղեկավար Ռաֆայել Գրոսին, գրում է DW-ի ռուսական ծառայությունը։
«Համատեղ գործողությունների համապարփակ ծրագիրը» (JCPOA), որն ընդունվել է Իրանի միջուկային ծրագրի շուրջ լարվածությունը նվազեցնելու համար, կամ, այսպես կոչված, միջուկային գործարքը, որը կնքել է Իրանը ԱՄՆ-ի, Ֆրանսիայի, Մեծ Բրիտանիայի, Գերմանիայի, Ռուսաստանի և Չինաստանի հետ 2015 թվականին, թույլ է տալիս Իրանին քաղաքացիական միջուկային էներգիայի համար ուրանը հարստացնել միայն 3,67 տոկոսով:
Ռազմական նպատակով միջուկային էներգիան օգտագործելու համար ուրանի հարստացման շեմը կազմում է 90 տոկոս:
Իրանի միջուկային ծրագրի շուրջ համաձայնագիրն ուղղված է այն բանին, որպեսզի խանգարի Իրանին ստեղծել միջուկային զենք։ Նախկինում համաձայնեցված պայմանների համապատասխան, դրա ստորագրումից հետո այս երկրի դեմ միջազգային պատժամիջոցները հանվեցին:
Տաթև Ֆռանգյան
