29.06.2026 | 20:51
«Հարյուրավոր աշխատանքից ազատվածնե՞ր». Նարեկ Կարապետյանի պնդման հետքերով․ ՏԵՍԱՆՅՈւԹ
«Իսլամական պետության» ահաբեկիչ գրոհայինները Սոմալիում քաղաք են գրավել
Քաղաքականություն
19.08.2021 | 15:14
«Իսլամական պետություն» (ԻՊ) ահաբեկչական խմբավորման գրոհայինները գրավել են Սոմալիի հյուսիսարևելյան Պունթլենդ նահանգի Բալիդհին քաղաքը: Այդ մասին հինգշաբթի օրը հայտարարել է Garowe Online սոմալիական լրատվական պորտալը:
Ըստ լրատվականի՝ ահաբեկիչների խմբերը քաղաք են մտել օգոստոսի 18-ին՝ կառավարական ստորաբաժանումների հետ համառ մարտերից հետո: Պունթլենդի նահանգի իշխանությունները հայտնել են, որ սպանվել է շրջանի վարչական ղեկավարը:
Լրատվականը նշում է, որ Բալիդհինը դարձել է Սոմալիի առաջին քաղաքը, որն անցել է ԻՊ-ի կառույցների վերահսկողության տակ:
ԻՊ-ի առաջին բջիջները հայտնվել են Սոմալիի հյուսիս-արևելքում 2015 թվականին: Մինչ քաղաքի ներկայիս գրավումը զինյալները հիմնականում գործել են Գոլիսի լեռներում, որտեղ տեղակայված են նրանց հենակետերը: Փորձագետները նրանց թիվը գնահատում են շուրջ 400 զինյալ:
2004-ից Սոմալիի տարածքում գործում է մեկ այլ իսլամիստ ահաբեկչական խմբավորում ՝ «Ալ-Շաբաբը», որը կապված է «Ալ-Քաիդա» կազմակերպության հետ։ ԻՊ-ի և «Ալ-Շաբաբի» սոմալիական ջոկատները թշնամական հարաբերությունների մեջ են, ինչի հետևանքով նրանց միջև զինված բախումներ են գրանցվում:
Տաթև Ֆռանգյան
