25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Քաբուլի օդանավակայանում զոհերի ընդհանուր թիվը հասել է 12-ի․ թալիբները կոչ են անում հեռանալ օդանավակայանից
Քաղաքականություն
19.08.2021 | 11:14
Աֆղանստանի մայրաքաղաք Քաբուլի օդանավակայանի տարածքում գրանցված կրակոցների ու հրմշտոցի հետևանքով կիրակի օրվանից ընդհանուր առմամբ զոհվել է 12 մարդ։ Այս մասին հայտնում է Reuters-ը՝ հղում կատարելով ՆԱՏՕ-ի ու «Թալիբան» շարժման ներկայացուցիչներին։
Թալիբների անանուն ներկայացուցիչը նաև կոչ է արել աֆղանցիներին չկուտակվել օդանավակայանի տարածքում, այլ գնալ տուն, եթե նրանք թռիչքի իրավունք չունեն։
«Մենք չենք ցանկանում վնասել նրանց, ովքեր գտնվում են օդանավակայանում»,- հայտարարել է շարժման ներկայացուցիչը։
Հիշեցնենք, որ թալիբներն օգոստոսի 15-ին առանց որևէ կրակոցի մտել են Քաբուլ և մի քանի ժամվա ընթացքում լիակատար վերահսկողություն հաստատել Աֆղանստանի մայրաքաղաքում: Աֆղանստանի նախագահ Աշրաֆ Հանին հայտարարել է, որ հրաժարական է տվել արյունահեղությունը կանխելու համար և լքել է երկիրը: Արեւմտյան երկրները տարհանում են իրենց քաղաքացիներին եւ դեսպանատան աշխատակիցներին:
Տաթև Ֆռանգյան
