29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Բելառուսն ու Ադրբեջանը հաստատել են ռազմատեխնիկական համագործակցության զարգացման հարցում իրենց հետաքրքրությունը
Քաղաքականություն
18.08.2021 | 20:47
Բելառուսն ու Ադրբեջանը հաստատել են ռազմատեխնիկական համագործակցության տարբեր ոլորտներում զարգացման հետաքրքրությունը։ Այս մասին հայտարարել է Բելառուսի պետական ռազմաարդյունաբերական կոմիտեի տեղեկատվության ու հասարակայնության հետ կապերի պաշտոնական ներկայացուցիչ Վլադիմիր Լավրենյուկը։ Գրում է Բելտա գործակալությունը։
Օգոստոսի 17-ին Ստամբուլում բացվել է IDEF-2021 միջազգային պաշտպանական 15-րդ ցուցահանդեսը։
Միջոցառման առաջին օրն էլ Բելառուսի Պետական ռազմաարդյունաբերական կոմիտեի նախագահ Դմիտրի Պանտուսը հանդիպել ու բանակցություններ է վարել Ադրբեջանի պաշտպանության նախարար Զաքիր Հասանովի ու ռազմարդյունաբերության նախարար Մադաթ Գուլիևի հետ։
Նշվում է, որ կողմերը քննարկել են ռազմատեխնիկական համագործակցության ընթացիկ իրավիճակը, հաստատել դրա զարգացման ընդլայնված ուղղություններում իրենց հետաքրքրությունը։
Էմմա Չոբանյան
