09.06.2026 | 11:15
Վերահաշվարկի դիմումների վերաբերյալ ԸԸՀ նիստերը կմեկնարկեն այսօր՝ հունիսի 9-ին
ԱՄՆ-ը մտադիր է ընդլայնել համագործակցությունը Ադրբեջանի հետ
Քաղաքականություն
18.08.2021 | 16:53
Ադրբեջանում ԱՄՆ-ի արտակարգ ու լիազոր դեսպան Լի Լիտցենբերգերը Նախիջևան կատարած այցի ընթացքում հայտարարել է, որ ադրբեջանաամերիկյան հարաբերությունները հիմնված են երեք սյուների վրա։
«Դրան առնչվում են ավտանգության ոլորտը, տնտեսությունն ու էներգետիկան, մարդու իրավունքների ու իրավակարգավորման ոլորտները։ ԱՄՆ-ը մտադիր է ընդլայնել համագործակցությունը Ադրբեջանի հետ, այդ թվում՝ Նախիջևանի, իմ նշած բոլոր ուղղություններով»,- ասել է ԱՄՆ դեսպանը։
«Օրինակ, մենք կարող ենք աջակցել Պետական մաքսային կոմիտեին ու Պետական սահմանապահ ծառայությանը թմրանյութերի մաքսանենգության ու այլ տիպի մասանենգության դեմ պայքարում։
Միաժամանակ, մենք հետաքրքրված ենք ամերիկյան ընկերությունների հետ համագործակցության հնավորությունների բացահայտմամբ, որոնք երկու երկրների համար էլ շահավետ կարող են լինել։ Ամենակարևորը, մենք ցանկանում ենք, որ Նախիջևանից ավելի շատ ուսանողներ մասնակցեն ԱՄՆ-ի կողմից ֆինանսավորվող պետական ծրագրերում։ Եվ ես համոզված եմ, որ իմ այցի ընթացքում հաջողվեց դնել այս ամբողջ աշխատանքի հիմքը»,- ասել է Լիտցենբերգերը։
Նշենք, որ Բաքվում ԱՄՆ-ի դեսպանն օգոստոսի 16-ին էր Նախիջևան մեկնել և նույն օրն էլ հանդիպել Գերագույն Մեջլիսի նախագահ Վասիֆ Թալիբովի հետ։
Էմմա Չոբանյան
