05.10.2026 | 09:46
Կոտայքում մեքենայից կրակել են պարեկների ուղղությամբ․ երկու ծառայող վիրավորվել է, 2 անձ՝ ձերբակալվել
Լիդերի կարդալը քիչ է, պետք է թիմը կարդա, կարդացողներին էլ՝ տեղ տա․ Արմեն Մարտիրոսյան. ԵՐԵՎԱՆԻ ԺԱՄԱՆԱԿՈՎ. ՏԵՍԱՆՅՈՒԹ
Հասարակություն
21.08.2021 | 17:02
«Այս իշխանությունը, ցավոք, ընթերցասեր չէ․ ՀՀ վարչապետ Նիկոլ Փաշինյանը կարդում է, կամ կարդում էր, ժամանակին նաև պրոպագանդում էր հայաստանյան գրականությունը, բայց լիդերի կարդալը քիչ է, պետք է թիմը կարդա, կարդացողներին էլ՝ տեղ տա, որպեսզի հաջողության հասնի գիտակը, փորձառուն, զգույշը և կարողը»,- Factor.am-ի հետ զրույցում նման տեսակետ է հայտնում «Անտարես» ընկերության տնօրեն Արմեն Մարտիրոսյանը։
Նրա խոսքով՝ Հայաստանում անգամ մասնավոր մեծ ընկերություններում առանց ծանոթի չես կարող ընդունվել աշխատանքի․
«Եթե Նիկոլ Փաշինյանի հետ քայլել են, ունեն պաշտոն, չեն քայլել՝ չունեն պաշտոն․ սա ամենավատ մեսիջն է քաղաքացուն»։
Արմեն Մարտիրոսյանն անդրադառնում է նաև ԿԳՄՍ նախարարության գործունեությանը և շեշտում՝ համակարգում առկա ամենամեծ բացն այն է, որ նախորդ իշխանություններից մնացած աշխատակազմն այդպես էլ չփոխվեց․
«Մարդիկ, որոնք Սերժ Սարգսյանի օրոք կոռուպցիոն սխեմաներում էին, այս իշխանության դեմ սաբոտաժ արեցին, և այդ պրոցեսը շարունակվում է։ Ինչպես նախորդ իշխանությունների գործելաոճում էր առկա սոցիալիստական տարրը, այնպես էլ՝ ներկայիս։ Մեր տված հարկերն ափսոս են, դրանք չեն ծառայում երկրի զարգացմանը»։
«Անտարես»-ի տնօրենն իրենց ընկերության օրինակով խոսում է նաև հայաստանյան գրքի շուկայի միտումներից․
«Եթե համեմատենք այս և նախորդ տարիների առաջին վեց ամիսները, կարող ենք արձանագրել, որ գրքի վաճառքը երկու անգամ մեծացել է․ ես դա կապում եմ պատերազմի հետ։ Մի կողմից հայաստանցին հասկացավ, որ չի կարելի միֆերով ապրել, մյուս կողմից՝ իրականությունից կտրվելու պահանջ զգաց»։
Մանրամասները՝ տեսանյութում։
Աննա Բաբաջանյան
