Քաղաքականություն
18.08.2021 | 19:14
Գերմանիայում վերջին մեկ օրվա ընթացքում գրանցվել է կորոնավիրուսային վարակի դեպքերի կտրուկ աճ. չորեքշաբթի՝ օգոստոսի 18-ի առավոտյան, առողջապահական մարմինները Ռոբերտ Կոխի ինստիտուտին (ՌԿԻ) տեղեկացրել են 8324 նոր դեպքի մասին: Սա ավելի քան 4400 դեպքով ավելի է, քան նախորդ օրը, գրում է DW-ի ռուսական ծառայությունը:
Մեկ շաբաթ առաջ Գերմանիայում մեկ օրում գրանցվել էր 4996 կորոնավիրուսի նոր դեպք: Վերջին անգամ Գերմանիայում 8,000-ից ավելի կորոնավիրուսի նոր դեպք էր գրանցվել մայիսի 21-ին:
Գերմանիայի ողջ տարածքում վերջին 24 ժամվա ընթացքում կորոնավիրուսից մահացել է 22 մարդ: Մեկ շաբաթ առաջ գրանցվել էր մահվան 14 դեպք: Այնուամենայնիվ, հուլիսի սկզբից այս ցուցանիշն ընդհանուր առմամբ մնացել է համեմատաբար ցածր, օրական մահերի թիվը չի գերազանցում 40-ը: Հիվանդանոցների ծանրաբեռնվածության աստիճանը նույնպես մնում է կայուն մակարդակի վրա:
Տաթև Ֆռանգյան
