14.02.2026 | 20:05
«Տոտենհեմը» նոր գլխավոր մարզիչ ունի
Այն մտավախությունը, որ փախստականների հոսք է սպասվում Հայաստան, ես չեմ կիսում․Բենիամին Պողոսյան․ ՏԵՍԱՆՅՈւԹ
Հասարակություն
18.08.2021 | 13:50
«Շատերն են նշում, որ հնարավոր է մեծանա Աֆղանստանից թմրամիջոցների արտահանումը՝ այդ թվում Հայաստանի տարածքով: Աֆղանստանն աշխարհում խոշորագույն թմրամիջոցներ արտադրողներից է, սակայն, հանուն արդարության, պետք է ֆիքսել, որ այն բանից հետո, երբ ԱՄՆ-ը վերահսկողություն հաստատեց Աֆղանստանի նկատմամբ, թմրամիջոցների թե՛ արտադրությունը և թե՛ արտահանումը բազմակի ավելացել է 96-2001 թվականների համեմատությամբ, երբ թալիբներն էին իշխանության: Այնպես որ որևէ հիմք չկա պնդելու, որ հիմա, երբ ամերիկացիների փոխարեն թալիբներն են գալիս, թմրանյութերի արտադրությունը և արտահանումը կարող է ավելանալ»,- այս մասին «Անկայուն Աֆղանստան. ինչպես չեզոքացնել նոր սպառնալիքները» թեմայով առցանց քննարկման ժամանակ նշեց քաղաքագետ Բենիամին Պողոսյանը:
«Երկրորդ խնդիրը. շատ է խոսվում, որ կլինեն մեծ թվով փախստականներ Աֆղանստանից Իրան, և կա մտավախություն, որ այդ փախստականների մի մասը կգնան ոչ թե Իրանից Թուրքիա և դեպի Եվրոպա, այլ կփորձեն գալ Հայաստանի Հանրապետություն: Այս կարծիքը ես չեմ կիսում, որովհետև փախստականների մեծ մասի վերջնական նպատակը Եվրոպան է, և մենք գիտենք, որ Թուրքիայի տարածքով տարբեր միգրանտների՝ դեպի եվրոպա տեղափոխելու մեծ փորձ կա, այդ թվում Սիրիայից, Իրաքից, Լիբիայից։
2011 թվականին, երբ միլիոնից ավել փախստականներ հայտնվեցին Եվրոպայում, հիմնական ճանապարհը Թուրքիան էր։ Այնպես որ հնարավոր է որոշակի դեպքեր լինեն, սակայն չեմ կարծում, թե Հայաստանի ցամաքային սահմանով զանգվածային փախստականների հոսք կլինի:
Մանրամասները՝ տեսանյութում:
