16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Բելառուս սահմանապահներն ապօրինի ներգաղթյալներին հարկադրաբար մղում են դեպի Լիտվայի սահման
Քաղաքականություն
18.08.2021 | 13:23
Լիտվան կամրապնդի սահմանների պաշտպանությունը Բելառուսի կողմից սադրանքից հետո: Այս մասին օգոստոսի 17 -ին հայտարարել է Լիտվայի ներքին գործերի նախարարությունը, գրում է EADaily-ն:
Հաղորդվում է, որ օգոստոսի 17 -ին Շալչինինկի շրջանում Բելառուսի անվտանգության կառույցների 12 ներկայացուցիչ անկարգությունները ճնշելու համար նախատեսված վահաններով և սարքավորումներով 35 ներգաղթյալի բռնի ուժով հետ են մղել դեպի Լիտվայի տարածք՝ նաև խախտելով պետական սահմանը:
«Մենք անմիջապես արձագանքել ենք այս սադրանքին ու որոշում ենք կայացրել հավելյալ միջոցներ ձեռնարկել սահմանի պահպանությունն ամրապնդելու համար»,- հայտարարել է երկրի ներքին գործերի նախարար Ագնե Բիլոտայնեն։
Հիշեցնենք, որ ավելի վաղ Մինսկը հայտարարել էր, թե այլևս չի զսպի անօրինական միգրանտների հոսքը դեպի ԵՄ: Դրանից հետո բելառուսա-լիտվական սահմանին ավելացել է անօրինական ներգաղթյալների թիվը, ովքեր փորձում էին մուտք գործել Լիտվա: Վիլնյուսը տեղի ունեցողը հիբրիդային հարձակում է անվանում Ալեքսանդր Լուկաշենկոյի ռեժիմի կողմից: Օգոստոսի սկզբից լիտվացի սահմանապահները սկսել են անօրինական միգրանտներին հետ ուղարկել Բելառուս։
Տաթև Ֆռանգյան
