27.11.2024 | 14:34
Լեհաստանի նախագահը ԵՄ դիտորդների հետ պարեկություն է արել ՀՀ-Ադրբեջան սահմանին
Իրանն ուրանի հարստացման հարցում զգալի առաջընթաց է գրանցել․ ՄԱԳԱՏԷ
Քաղաքականություն
17.08.2021 | 21:28
Ատոմային էներգիայի միջազգային գործակալությունը (ՄԱԳԱՏԷ) կարծում է, որ Իրանն ուրանի հարստացման հարցում զգալի առաջընթաց է գրանցել: ՄԱԳԱՏԷ -ի զեկույցի համաձայն՝ Իրանը արտադրել է որոշակի քանակությամբ 20 տոկոս հարստացված մետաղական ուրան, գրում է Reuters- ը:
Սա, ըստ գործակալության, Իրանի քառափուլ ծրագրի երրորդ քայլն է: Չորրորդը ներառում է ռեակտորի վառելիքային պլաստինայի արտադրություն:
Միևնույն ժամանակ, ԱՄՆ Պետդեպարտամենտի խոսնակ Նեդ Փրայսը հայտարարել է, որ Իրանը հավաստի շարժառիթ չունի նման հարստացմամբ մետաղական ուրան արտադրելու համար, որը կարող է օգտագործվել ատոմային ռումբ պատրաստելու համար:
Նա կոչ է արել Իրանին «դադարեցնել միջուկային էսկալացիան» եւ վերադառնալ բանակցությունների սեղանին ՝ միջուկային գործարքի վերսկսման համար:
Մայիսի վերջին ՄԱԳԱՏԷ-ն եկել է այն եզրակացության, որ Իրանի հարստացված ուրանի պաշարները 16 անգամ գերազանցում են 2015 թվականի պայմանագրով թույլատրված քանակը: Ըստ կազմակերպության ղեկավար Ռաֆայել Գրոսիի՝ այս հանգամանքը և Իրանի հետ բանակցություններում առաջընթացի բացակայությունը թույլ չեն տալիս հստակորեն պարզել երկրի ատոմային ծրագրի խաղաղ բնույթը: Իսկ դա կարող է դանդաղեցնել միջուկային նոր գործարքի շուրջ բանակցությունները:
Տաթև Ֆռանգյան
