01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Թուրքիան կանգնած է Աֆղանստանից փախստականների նոր ալիքի առջև
Քաղաքականություն
16.08.2021 | 15:56
Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան կանգնած է Աֆղանստանից փախստականների նոր հոսքի առաջ, քանի որ «Թալիբան»-ը զարմանալի արագությամբ հսկողություն է հաստատել գլխավոր քաղաքներում, այդ թվում՝ մայրաքաղաք Քաբուլում, գրում է Duvar-ը։
Ըստ Էրդողանի՝ փախստականները Թուրքիա են մտնում Իրանի տարածքով։ Թուրքիայի նախագահը նաև ասել է, որ Պակիստանն էլ վճռական դերակատարում ունի Աֆղանստանում խաղաղության ու կայունության հաստատման գործում։
«Մենք կշարունակենք մեր ջանքերը տարածաշրջանում ու հատկապես Աֆղանստանում կայունության ապահովման համար։ Մեզ անհրաժեշտ է շարունակել համագործակցությունը Պակիստանի հետ դրան հասնելու համար։ Մենք վճռական ենք մոբիլիզացնելու բոլոր միջոցները դրա համար»,- ասել է Էրդողանը։
Ի դեպ, օգոստոսի 11-ին հեռուստատեսային հարցազրույցի ժամանակ Թուրքիայի նախագահը հերքել էր, որ Աֆղանստանից Թուրքիա կա միգրացիոն հոսք ու նշել էր, որ «սոցիալական ցանցերում» այն չափազանցված է»։ Էրդողանը նաև հայտարարել էր, որ ցանկանում է հյուրընկալել Թալիբանի առաջնորդին։
Ավելի վաղ էլ Թալիբանի բարձրաստիճան պաշտոնյաներից մեկն ասել էր, որ Թուրքիան ընկալում են ոչ թե որպես թշնամի, այլ որպես դաշնակից։ The Independent-ի թուրքական ծառայության հետ զրույցում Թալիբանի հիմնադիր Մուլլահ Մոհամմադ Յաքուբն ասել էր, որ իրենք ցանկանում են Թուրքիայի հետ սերտ հարաբերություններ կառուցել։ Նա նաև նշել էր, որ Էրդողանից իրենց նկատմամբ հարգալից վերաբերմունք են ակնկալում։
Էմմա Չոբանյան
