29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Չինաստանը պատրաստակամություն է հայտնել բարեկամական հարաբերություններ հաստատել թալիբների հետ
Քաղաքականություն
16.08.2021 | 13:36
Չինաստանը երկուշաբթի հայտարարել է, որ պատրաստ է «բարեկամական հարաբերություններ» հաստատել թալիբների հետ այն բանից հետո, երբ խմբավորումը վերահսկողություն է հաստատել Աֆղանստանում, գրում է NDTV-ն։
«Չինաստանը հարգում է Աֆղանստանի ժողովրդի անկախ ճակատագիրը որոշելու իրավունքը և պատրաստակամ է շարունակել զարգացնել բարեկամական և համագործակցության հարաբերությունները Աֆղանստանի հետ», – լրագրողներին ասել է ԱԳՆ պաշտոնական ներկայացուցիչ Հուա Չունյինը:
Հավելենք, որ Մեծ Բրիտանիայի վարչապետ Բորիս Ջոնսոնն ավելի վաղ հայտարարել էր, որ ոչ ոք չպետք է փոխադարձության սկզբունքով ճանաչի թալիբների կառավարությունը՝ հավելելով, որ շուտով Աֆղանստանը կունենա նոր վարչակազմ։
Հիշեցնենք, որ Աֆղանստանում իրավիճակը հատկապես սրվել է վերջին շաբաթների ընթացքում, երբ թալիբները գրոհներ են սկսել դեպի խոշոր քաղաքներ: Կիրակի օրը լրատվամիջոցներն ու աղբյուրները հայտնեցին, որ ապստամբները վերահսկում են սահմանային բոլոր անցակետերը: Նույն օրը ավելի ուշ զինյալները հայտարարեցին, որ մտել են Քաբուլ և վերահսկողություն հաստատել նախագահական պալատի վրա:
Տաթև Ֆռանգյան
