25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
ԱՄՆ-ն արտահերթ կարգով 1000 զինծառայողով ավելացնում է Աֆղանստանում իր զինվորականների թիվը
Քաղաքականություն
16.08.2021 | 14:17
ԱՄՆ-ի իշխանությունները 1000 զինծառայողով կավելացնեն Աֆղանստանում իրենց զինվորականների թիվը՝ այն հասցնելով մինչև 6000 զինծառայողի, որոնք պետք է ապահովեն երկրից ամերիկացի զինծառայողների տարհանումը։ Զինվորականները Քաբուլ կուղարկվեն 48 ժամվա ընթացքում, ասված է ԱՄՆ ՊՆ ու Պետդեպարտամենտի համատեղ հայտարարության մեջ, գրում է DW-ի ռուսական ծառայությունը։
«Վաղն ու մոտ օրերին մենք երկրից կտարհանենք հազարավոր ԱՄՆ քաղաքացիների, որոնք ապրում են Աֆղանստանում, Քաբուլում ԱՄՆ-ի դիվանագիտական ներկայացուցչության կողմից աշխատանքի ընդունվածներին ու նրանց ընտանիքի անդամներին, ինչպես նաև մյուս առանձնակի խոցել Աֆղանստանի քաղաքացիներին։ Մենք նաև կարագացնենք այն հազարավոր աֆղանների տարհանումը, որոնք հատուկ ներգաղթային վիզա ունեն դեպի ԱՄՆ»,- ասված է փաստաթղթում։
Մինչդեռ, ամերիկյան United Airlines ավիաընկերությունը փոխում է որոշ չվերթների երթուղիները ՝ Իսլամական Հանրապետության օդային տարածք մտնելուց խուսափելու համար: Որոշումը կազդի փոխադրողի ՝ դեպի Հնդկաստան թռիչքների վրա, հայտնում է Reuters-ը:
Ավելի քան 60 երկիր, այդ թվում ՝ Գերմանիան, Մեծ Բրիտանիան և Ուկրաինան այս կապակցությամբ կոչով դիմել են աֆղանական հակամարտության բոլոր կողմերին ՝ «նպաստելու օտարերկրյա քաղաքացիների և երկրից հեռանալ ցանկացող աֆղանցիների անվտանգ և կանոնավոր մեկնումը»:
Տաթև Ֆռանգյան
