16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ամերիկացի զինվորականները նախազգուշացնող կրակ են բացել Քաբուլի օդանավակայանում․ կա 3 զոհ․ Wall Street Journal․ՏԵՍԱՆՅՈՒԹ
Քաղաքականություն
16.08.2021 | 12:58
Ամերիկացի զինվորականները նախազգուշացնող կրակ են բացել Քաբուլի օդանավակայանում, երբ մարդկանց ամբոխը ներխուժել է թռիչքուղի. հայտնում է AFP-ն։
«Շատ եմ վախենում։ Նրանք բազմաթիվ կրակոցներ են արձակում օդ․․․ տեսա, թե ինչպես են մի աղջկա ճզմում ու սպանում»,- պատմել է ականատեսներից մեկը, ում հղում է անում գործակաությունը։
Մինչ այդ Wall Street Journal-ը հայտնում է, որ առնվազն 3 մարդ է զոհվել Քաբուլի օդանավակայանում ստացած հրազենային վիրավորումից։
«Առնվազն երեք մարդ է զոհվել երկուշաբթի առավոտյան Քաբուլի միջազգային օդանավակայանի ուղևորատար տերմինալում կրակոցների հետևանքով», – գրում է թերթը, ըստ որի՝ հազարավոր աֆղանցիներ հավաքվել են օդանավակայանում՝ ցանկանալով լքել երկիրը:
Նշվում է, որ ԱՄՆ-ի կենտրոնական հրամանատարության (CENTCOM) ներկայացուցիչները դեռ չեն արձագանքել մեկնաբանության խնդրանքին:
Հիշեցնենք, որ Աֆղանստանում իրավիճակը հատկապես սրվել է վերջին շաբաթների ընթացքում, երբ թալիբները գրոհներ են սկսել դեպի խոշոր քաղաքներ: Կիրակի օրը լրատվամիջոցներն ու աղբյուրները հայտնեցին, որ ապստամբները վերահսկում են սահմանային բոլոր անցակետերը: Նույն օրը ավելի ուշ զինյալները հայտարարեցին, որ մտել են Քաբուլ և վերահսկողություն հաստատել նախագահական պալատի վրա:
Տաթև Ֆռանգյան
