19.05.2026 | 16:04
Սամվել Կարապետյանի անձնագրային գործում որպես աշխատանքի վայր նշված է եղել ФСБ-ի տեղեկատվական կենտրոնը․ The Insider
Աֆղանստանի կառավարական շենքերի ավելի քան 90%-ը գտնվում է թալիբների վերահսկողության տակ
Քաղաքականություն
16.08.2021 | 11:56
«Թալիբան» շարժման ներկայացուցիչը հայտարարել է, որ Աֆղանստանի կառավարական շենքերի ավելի քան 90%-ը գտնվում է թալիբների վերահսկողության տակ, գրում է ՌԻԱ Նովոստին:
Reuters- ի հաղորդմամբ՝ թալիբների անանուն ներկայացուցիչն ասել է, որ թալիբները վերահսկում են կառավարական շենքերի 90%-ը, մինչդեռ գրոհայիններին հրահանգ է տրվել թույլ չտալ շենքերի վնասումը:
Հաղորդվում է նաև, որ շարժումից նշել են, որ նրանց վերահսկողության տակ են գտնվում Քաբուլի գրեթե բոլոր հսկիչ անցակետերը։
Հիշեցնենք, որ Աֆղանստանում իրավիճակը հատկապես սրվել է վերջին շաբաթների ընթացքում, երբ թալիբները գրոհներ են սկսել դեպի խոշոր քաղաքներ: Կիրակի օրը լրատվամիջոցներն ու աղբյուրները հայտնեցին, որ ապստամբները վերահսկում են սահմանային բոլոր անցակետերը: Նույն օրը ավելի ուշ զինյալները հայտարարեցին, որ մտել են Քաբուլ և վերահսկողություն հաստատել նախագահական պալատի վրա:
