12.12.2024 | 14:23
Թրամփը Սի Ցզինպինին հրավիրել է իր երդմնակալությանը․ CBS News
Քաբուլում պարետային ժամն ուժի մեջ է մտել
Քաղաքականություն
15.08.2021 | 21:30
Քաբուլում պարետային ժամն ուժի մեջ է մտել տեղական ժամանակով ժամը 21:00-ից: Այս մասին հաղորդում է ՏԱՍՍ գործակալությունը։ Քաղաքում բախումների մասին հաղորդագրություններ չեն ստացվում։
Ինչպես ավելի վաղ հայտարարել Էր Աֆղանստանի ՆԳ նախարարի պաշտոնակատար Աբդուլ Սաթար Միրզաքվալը, պարետային ժամի գործողության ժամանակ քաղաքի բոլոր մասերում տեղաշարժի սահմանափակում է մտցվում: Նա մարդկանց կոչ է արել հանգստություն պահպանել և չլքել տները։
Մինչդեռ Աֆղանստանում ԱՄՆ դեսպանատունը տեղեկացրել է Քաբուլի օդանավակայանի գնդակոծման մասին ստացվող հաղորդագրությունների մասին: Թե ում կողմից է գնդակոծվել, չի հստակեցվում։
«Թալիբան» արմատական շարժման գրոհայինները, «Ալ Արաբիա» հեռուստաալիքի հաղորդումների համաձայն, կիրակի երեկոյան Քաբուլ են մտել առանց մարտի և զբաղեցնում են կառավարական ուժերի թողած պետական հաստատությունները: Associated Press գործակալությունը, վկայակոչելով շարժման ներկայացուցչին, հայտնել է, որ մոտ ժամանակներս թալիբները մտադիր են նախագահական պալատից հայտարարել «Աֆղանստան իսլամական էմիրություն» ստեղծելու մասին:
