18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Մեզ նոր պատերազմ պետք չէ Հայաստանի հետ. Ալիև
Քաղաքականություն
15.08.2021 | 11:50
Ադրբեջանին նոր պատերազմ պետք չէ Հայաստանի հետ, Interfax-ի ադրբեջանական ծառայության փոխանցմամբ՝ հայտարարել է երկրի նախագահ Իլհամ Ալիևը:
«Մենք մեր պատմական առաքելությունը կատարել ենք (ազատագրել ենք Ղարաբաղի հողերը-խմբ․) ։ Մեզ նոր պատերազմ պետք չէ», – ասել է Ալիևը թուրքական CNN Turk հեռուստաալիքին տված հարցազրույցում։
Նրա խոսքով, միևնույն ժամանակ Ադրբեջանը տեսնում է, որ Հայաստանը զինվորականներ է տեղափոխում Ղարաբաղ այն տարածքներում, որոնք ներկայումս գտնվում են ռուս խաղաղապահների ժամանակավոր վերահսկողության տակ:
«Մենք մի քանի անգամ բարձրացրել ենք այդ հարցը, բայց ապարդյուն։ Ուստի մի քանի օր առաջ մեր պաշտպանության նախարարությունը հանդես եկավ համապատասխան հայտարարությամբ։ Եթե Հայաստանը պատրաստվում է պատերազմի, մենք դա կկանխենք»,- ասել է Ալիևը։
Ալիևը հայտարարել էր նաև, որ Հայաստանի կողմից փոխանցված ականապատ տարածքների քարտեզների ճշգրտությունը Ղարաբաղում կազմում է ընդամենը 25 տոկոս:
Ղարաբաղի վերաբերյալ եռակողմ հայտարարության կետերի մեծ մասն իրագործված է, բայց կան որոշ բաց հարցեր, «ՌԻԱ Նովոստի»-ի փոխանցմամբ՝ հայտարարել է Ադրբեջանի նախագահ Իլհամ Ալիևը:
