25.09.2026 | 02:47
ՀՀ-ում սպասում են Ադրբեջանում անազատության մեջ հայտնված հայերի վերադարձին. վարչապետի ելույթը ՄԱԿ-ում
Թուրքիայի հյուսիսում ավերիչ ջրհեղեղները շարունակվում են․9 մարդ է զոհվել
Քաղաքականություն
12.08.2021 | 17:50
Թուրքիայի հյուսիսային շրջաններում ջրհեղեղները շարունակվում են, տուժածների թիվն ավելանում է։ Ինչպես հաղորդում է Անդալու գործակալությունը՝ վկայակոչելով Թուրքիայի Արտակարգ իրավիճակների կանխարգելման ու վերացման վարչությանը, Կաստամոնու նահանգում 9 մարդ է զոհվել, հարևան Բարթին նահանգում էլ շարունակվում են մեկ անհետ կորածի որոնումները։
Պետական գերատեսչությունը նաև հայտնում է, որ օգոստոսի 7-11-ը Թուրքիայի Սևծովյան տարածաշրջանի արևմուտքում տեղացած աննախադեպ առատ տեղումները ջրհեղեղներ են առաջացրել Բարթին, Կաստամոնու, Սինոպ նահանգներում։
Ջրհեղեղից հետո համապատասխան մարմինները սկսել են տարհանման, որոնողափրկարարական աշխատանքներ իրականացնել։ Մարդկանց տարհանումը շարունակվում է ուղղաթիռներով, քանի ու փլուզված ու վնասված կամուրջների պատճառով ճանապարհները փակ են։ Տասնյակ մեքենաներ մնացել են ջրի մեջ, հոսաքազրկված են տարբեր բնակավայրեր։
Էմմա Չոբանյան
