25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Հաքերները Լիտվայի ԱԳՆ-ից գողացե՞լ են նամակագրությունն այլ երկրներում իր դեսպանությունների հետ
Քաղաքականություն
12.08.2021 | 22:10
Հաքերները կիբերհարձակումներ են ձեռնարկել ընդդեմ Լիտվայի արտգործնախարարության ու գողացել են բալթյան երկրի նամակագրությունն այլ երկրներում իր դեսպանությունների հետ։ Այս մասին այսօր հայտնել է Delfi լրատվականը։
Արտաքին գործերի նախարարությունը չի հերքում իր էլեկտրոնային ռեսուրսների աշխատանքին կիբերմիջամտության փաստը, բայց չի հաստատում փաստաթղթերի գողության մասին տեղեկատվությունը։
«Նախարարությունը գրանցել է կիբեր-տեղեկատվական հարձակման փորձ, և դրա մասին տեղեկացվել են պատասխանատու մարմինները: Կատարվում է հետաքննություն»,-ասված է ԱԳՆ հայտարարության մեջ:
Գերատեսչությունը նաև հայտարարել է կիբերհարձակումների փորձերի աճի մասին:
«Մենք ուշադրություն ենք հրավիրում տեղեկատվական և կիբեր հարձակումների ակտիվացման վրա, որոնց նպատակը Լիտվայի պետության և նրա քաղաքականության վարկաբեկումն է»,-ասել են ԱԳՆ-ում:
Սոցիալական ցանցերում առաջարկներ են հայտնվել Լիտվայի նախարարության գաղտնի փաստաթղթերը գնելու վերաբերյալ: Խոսքը, ըստ լրատվամիջոցների, ենթադրաբար, մոտ 500 հազար նամակի մասին է:
Տաթև Ֆռանգյան
