23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Ռուսաստանում այլևս բողոքի ցույցերի տեղ չկա․ AI-ի նոր զեկույցը
Քաղաքականություն
12.08.2021 | 22:35
Amnesty International-ի (AI) փորձագետներն օգոստոսի 12-ին հրապարակված հատուկ զեկույցում, որը վերաբերում է Ռուսաստանում փողոցային զանգվածային ցույցերին, եկել են այն եզրակացությանը, որ երկրում փաստացի վերացվել է խաղաղ ցույցեր անցկացնելու քաղաքացիների հիմնարար իրավունքը: Զեկույցն հենց այդպես էլ վերնագրված է ՝ «Ռուսաստան. բողոքի ցույցերի տեղ չկա», գրում է DW-ի ռուսական ծառայությունը:
Ռուսաստանի քաղաքացիները գործնականում հնարավորություն չունեն օգտվել հավաքների ազատության իրենց սահմանադրական իրավունքից, կարծում են փորձագետները: 20 էջից բաղկացած զեկույցում մանրամասն ներկայացված է երկրում փողոցային ցույցերի աստիճանական ու նպատակային օրենսդրական սահմանափակումը:
«Անցած 16 տարիների ընթացքում օրենքներում 13 փոփոխություն է ընդունվել, որոնք աստիճանաբար սահմանափակել են հավաքների ազատության իրավունքը: Արդյունքում՝ իշխանությունների կողմից չարտոնված ցանկացած խաղաղ բողոքի ակցիան քրեականացվել է», – ասում է զեկույցի հեղինակներից մեկը՝ Փեթեր Ֆրանկը:
Ընդ որում, փոփոխությունների մեծ մասն ընդունվել է 2014-ից հետո, երբ հարևան Ուկրաինայում փողոցային ցույցերի արդյունքում այն ժամանակվա նախագահ Վիկտոր Յանուկովիչը փախավ Ռուսաստան, այնուհետև հեռացվեց պաշտոնից:
Փեթեր Ֆրանկի խոսքով՝ AI-ի փորձագետների մոտ այն տպավորությունն է ստեղծվում, որ ՌԴ իշխանությունները մտավախություն ունեն՝ Պետդումայի ընտրություններից հետո բելոռուսական սցենարը կրկնվի։
«Բոլոր հարցումները ցույց են տալիս, որ մասնակցությունը ծայրահեղ ցածր կլինի։ Եվ այդ իսկ պատճառով էլ, անկախ այն բանից, թե ինչպիսի արդյունք ցույց կտա «Միասնական Ռուսաստանն» ընտրությունների ժամանակ, այն լեգիտիմության պակաս կունենա։ Այդ պակասի լրացման պատճառով իշխանությունները կարող են սկսել միջամտել ընտրությունների ընթացքին, ինչն իր հերթին կարող է հանգեցնել բողոքի ցույցերի»։
Տաթև Ֆռանգյան
