13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Կամչատկայում զբոսաշրջիկներով ուղղաթիռ է կործանվել․ 8 մարդ ողջ է մնացել
Քաղաքականություն
12.08.2021 | 10:42
Կամչատկայի Կրոնոտսկի արգելոցում կործանվել է Մի-8 ուղղաթիռ, որում եղել է 16 մարդ՝ 13 ուղևոր, այդ թվում՝ 1 երեխա և անձնակազմի երեք անդամ․ գրում է BBC-ի ռուսական ծառայությունը:
Ուղղաթիռն ընկել է Կուրիլի լիճը և խորտակվել մոտ 100 մետր խորության վրա, հայտնում են փրկարարները:
Ութ մարդ ողջ է մնացել, հինգը տեղափոխվել է Պետրոպավլովսկ-Կամչատսկի մարզային հիվանդանոց, մնացածը մնացել են մոտակա գյուղում:
Տեղում աշխատում են փրկարարներ ու ջրասուզակներ: Ռուսաստանի արտակարգ իրավիճակների նախարարությունը հայտնել է, որ ջրասուզակները սարքավորումներ ունեն միայն մինչև 20 մետր խորության վրա աշխատելու համար:
Կործանված Մի-8 ուղղաթիռը պատկանել է «Վիտյազ-Աէրո» ընկերությունը։ Դրա հիմնադիրն ու համասեփականատերն է հանդիսանում սպանության մեջ մեղադրվող Կամչատսկից պատգամավոր Իգոր Ռեձկինը։
Ուղղաթիռը եղել է սարքին վիճակում ու կապիտալ վերանորոգում է անցել 2020 թվականին։ Այս մասին ՏԱՍՍ-ին հայտնել է ընկերության կոմերցիոն տնօրեն Դմիտրի Չերնիխը։
«Ինտերֆաքսն» իր հերթին, հղում կատարելով սեփական աղբյուրներին, հայտնել է, որ ուղղաթիռը գրեթե 40 տարեկան է եղել։
Տաթև Ֆռանգյան
