01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Չինաստանն ու Ռուսաստանը համատեղ վարժանքներ են սկսել Չինաստանում
Քաղաքականություն
10.08.2021 | 20:14
Պեկինի և Մոսկվայի միջև կապերի խորացման ֆոնին՝ Չինաստանն ու Ռուսաստանը օգոստոսի 9 -ին Չինաստանի հյուսիս -արևմուտքում հնգօրյա համատեղ զորավարժություններ են սկսել, հայտնում է Ազատություն ռադիոկայանի եվրոպական ծառայությունը:
Չինաստանից ու Ռուսաստանից ավելի քան 10,000 զինվորական է մասնակցում Zapad/Interaction 2021 վարժանքներին, որոնք տեղի են ունենում Նինգսիա Հուի ինքնավար մարզում։ Վարժանքներին ներգրավված են մեծ թվով օդանավեր, սպառազինության համակարգեր և տրանսպորտային միջոցներ։
Զորավարժությունները տեղի են ունենում այն ժամանակ, երբ Եվրասիայում անվտանգության իրավիճակը շարունակում է փոխվել: Աֆղանստանից ԱՄՆ գլխավորած զորքերի դուրսբերումը հանգեցրել է թալիբների և կառավարական ուժերի միջև բախումների աճին և ցնցել տարածաշրջանը:
Նշվում է, որ այս տարվա վարժանքները չորրորդ անընդմեջ զորավարժություններն են Պեկինի և Մոսկվայի միջև և Չինաստանում անցկացված առաջին համատեղ զորավարժությունները: Զորավարժությունները կկենտրոնանան հարևան Կենտրոնական Ասիայում կայունության վրա, քանի որ երկու երկրներն էլ ցանկանում են ցուցադրել իրենց զինվորականների միջև աճող համագործակցությունը:
Տաթև Ֆռանգյան
