11.10.2026 | 14:46
Այսօր աղջիկ երեխաների միջազգային օրն է
Մինսկում Լուկաշենկոյին «Ադրբեջանի ընկեր» շքանշան են տվել
Քաղաքականություն
10.08.2021 | 16:29
Ադրբեջանը Բելառուսի նախագահ Ալեքսանդր Լուկաշենկոյին նոր շքանշանով է պարգևատրել։ Մասնավորապես, նախօրեին Մինսկում Լուկաշենկոյին շնորհվել է «Ադրբեջանի ընկեր» շքանշանը, որը «Իմ Ադրբեջան» միջազգային ամսագրի կողմից է հաստատվել՝ «ադրբեջանական ժողովրդի նկատմամբ բարեկամական ու եղբայրական վերաբերմունքի ու Ադրբեջանի հետ երկկողմ հարաբերությունների հաստատման, ամրապնդման ու զարգացման համար մատուցած մեծ ծառայությունների համար»։
Ինչպես հաղորդում են ադրբեջանական լրատվամիջոցները, «Իմ Ադրբեջան» միջազգային ամսագրի գլխավոր խմբագիր Էմիլ Նասիրլին նախօրեին մասնակել է «Մեծ զրույց նախագահի» հետ միջացառմանը, որն ավանդաբար անցկացվում է Մինսկում լրագրողների, փորձագիտական, մեդիա համայնքի ու հասարակական գործիչների համար ասուլիսի ձևաչափով։ Ասուլիսից հետո էլ ադրբեջանցի գլխավոր խմբագիրը Ալեքսանդր Լուկաշենոկոյին հանձնել է շքանշանը։
Ալեքսանդր Լուկաշենկոն երախտագիտություն է հայտնել «Իմ Ադրբեջան» միջազգային ամսագրի խմբագրական խորհրդին։ Նա ընդգծել է, որ Բելառուսի ու Ադրբեջանի միջև բարեկամական հարաբերությունները զարգանում են ամեն օր։
Էմմա Չոբանյան
