31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Սյունիքի ՔՊ-ական մարզպետի որդին հետախուզման մեջ է. Վահե Հակոբյան․ ՏԵՍԱՆՅՈւԹ
Քաղաքականություն
10.08.2021 | 15:36
«Տպավորություն է, որ ոչ թե հիմա Սյունիքի մարզպետն այս քաղաքական թիմի ներկայացուցիչն է, այլ՝ ուրիշ, որովհետև եթե հիշողությունս ինձ չի դավաճանում, ներկայիս մարզպետի որդին է հետախուզման մեջ և չի ներկայանում իրավապահներին, բայց մեծամասնության մեր գործընկերների հետևողականությունը և բծախնդրությունն այդ հարցում չենք տեսնում»,-այս մասին ԱԺ-ում հայտարարեց «Հայաստան» խմբակցության պատգամավոր Արամ Վարդևանյանը:
Պատգամավորը Աժ տնտեսական հարցերի մշտական հանձնաժողովի նախագահի թեկնածու Վահե Հակոբյանին խնդրեց ներկայացնել իր մարզպետ եղած ժամանակ Սյունիքում իրականացրած տնտեսական ծրագրերը:
Հակոբյանը դիմելով իշխանական պատգամավորներին՝ նշեց. «Դուք խոսում եք կոռուպցիոն ռիսկերից և ես հիշեցի, որ այս հուլիս ամսվա ընթացքում մեկ աղբյուրից գնման սկզբունքով Սյունիքում երեք ընկերությունների բաշխվել է 6 մլրդ 800 դրամ: Սա ի՞նչ է, այլ ընկերություններ չկայի՞ն, ինչո՞ւ մրցույթ չի հայտարարվել»:
Հաստատելով, որ գործող մարզպետի որդին այսօր հետախուզման մեջ է ծանր հանցանք կատարելու համար, Հակոբյանը հայտնեց, որ իր տեղեկություններով այն մարդը, որի վրա կրակել է մարզպետի որդին, հիմա գտնվում է կոմայի մեջ:
«Հայաստան» խմբակցության պատգամավորը նշեց, որ իր մարզպետ եղած ժամանակ երեք տարում Կապանում կառուցել են օդանավակայան, որը միակն է հետանկախ Հայաստանում և որի համար ծախսվել է 9 մլրդ դրամ:
«Օդանավակայանն արդեն պատրաստ է շահագործման, որը ձեր պատճառով դարձել է սահմանին հարակից և այսօր որևէ մեկը իր վրա պատասխանատվություն չի վերցնում, որ այդ ինքնաթիռը Երևանից Կապան և հակառակ ուղղությամբ թռիչք իրականացնի»,- նշեց Հակոբյանը:
Մանրամասները՝ տեսանյութում:
