Հասարակություն
10.08.2021 | 15:14Ռոբերտ Քոչարյանի և ՀՀ նախկին փոխվարչապետ, «Հայաստան» խմբակցության պատգամավոր Արմեն Գևորգյանի գործով դատական նիստում Երևանի ընդհանուր իրավասության դատարանը բավարարեց Արմեն Գևորգյանին հաջորդ դատական նիստին բերման ենթարկելու մասին դատախազ Պետրոս Պետրոսյանի միջնորդությունը։ Նիստը նախագահող դատավոր Աննա Դանիբեկյանը հայտարարեց, որ եթե Գևորգյանը հաջորդ նիստին էլ չներկայանա, ապա ստիպված կլինեն բերման ենթարկել նրան դատարան։
ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը նշեց, որ ԱԺ-ում ընթացող նիստերը Սահմանադրությամբ, օրենքով նախատեսված նիստեր են, և որ դատարանը հաշվի չի առել մի կարևոր հանգամանք՝ ԱԺ-ում քվեարկության հանգամանքը:
«Մեկ մարդու բացակայությունը կարող է ազդել քվեարկության արդյունքների վրա, ինչին ականատես եղանք ընդդիմության կողմից առաջադրված ԱԺ փոխնախագահ ընտրելու պարագայում, երբ ընտրությունը եղավ երրորդ քվեարկությունից հետո միայն»,- նշեց Քոչարյանը։
Մանրամասները՝ տեսանյութում:
